Pgaz K'Nyau av lix hkauf htiv พิมพ์ ส่งเมล
ImagePgaz K'Nyau av lix hkauf htiv
T'hkluv le Pgaz K'Nyau hpo nux lauz ba keiz Ywaz div baf neif, av lix av laij t'of baf, dauv blehti s'raf hpav dof le av kai pgaz Amerika hpo t'gaz laiz cav htauf lix Romei.

 

 

LIX ROMEI.  T’hkluv le Pgazk’nyau hpo nux lauz ba keiz Ywaz div baf neif, av lix av laij t’of baf. Tuz Pgaz k’nyau hpo nux lauz ba keiz Ywaz t’blau neif, blehti s’raf hpavdof le av kai pgaz Ameirika hpo le av miz le “Wiv” (Wade) t’gaz neif, le av tohkof neif pax av sav le k’maz kaihtauf neij Pgazk’nyau (Cgauz) av lixmaixhplef le “Lix Romei” lauz. Bafhsaf, meij le avwai looz baf pgaz sav avqo, avwai t’maz wai div av tajsavlau of wai av sauv neif baf; dauv maz kaihtauf neij wai Pgazk’nyau (Cgauz) av lixmaixhplef le “Lix wa” hpai Hkriv nif 1831 neif lauz. Dauv blehti s’raf hpavdof le av kai pgaz Ameirika hpo le av miz le “Meisif” (Mason) t’gaz neif htuv htauf wai lix cauhsgi dau poo nya le Pgazk’nyau (Cgauz) av kwauj dauv kwaiv wai le lix wa neif hpai Hkriv nif 1853 neif lauz.
ImageMeimeij pgaz K’hsij hpo t’hpaf neif, blehti av Misanari t’hpaf maz kaihtauf neij avwaiseif av lixmaixhplef le “Lix Romei” lauz. Dauv pgaz Katolihpo av Misanari le av maz taj le weij Tau oo av taj pe pooz t’hpaf neif ceijkauv maz kaihtauf neij Pgazk’nyau (Bgai) t’hpaf av lixmaixhplef le “Lix Romei” lauz. Dauv le hki neif, blehti s’raf le av kai Pgazk’nyau hpo meijgeiz, Kauzlazwa mejgeiz t’nauznauz neif, baf av sav le lailauxkeiz “Lix wa” le “Lix Romei” lauz. Bafhsaf, meij le looz baf pgaz sav div s’raf Wiv av sauv neif avqo, avwaiseif baf hsoteijkwix wai lauz.
        Taj maz av sav divneif wiz av laujhki, blehti av s’raf hpavdof le av maz taj bafqav dauv tajkoofbaf koofsei av waiz kloz t’gaz maz kaihtauf wai Pgazk’nyau (Cgauz) av lixmaixhplef le “Lix Romei” lauz. Baf-hsaf, meij le pgaz t’toojlaux baf avqo, t’laiz dof htauf htau htauf baf. Bafhsaf, Hpai Hkriv nif 1950 neif, pgaz Katolihpo av sauhka le av kai pgaz Hprafseivhpo t’gaz, av miz le “Pajdof Eidwa Kalmon (M.E.P) le av maz taj le  Pgazk’nyau (Cgauz) av kla, le Hpafpoof av tajpe, le kauj P’yauz av pooz t’gaz neif, htif wai le blehti s’raf hpavdof le av maz taj baf qav dauv tajkoofbafkoofsei av waiz kloz t’gaz neif maz kaihtauf lix Pgazk’nyau (Cgauz) le “Lix Romei” neif dauv hivneij wai dauv soo auf wai lauz. Bafhsaf, pgaz t’toojlaux av “Lix Romei” neif le Hpafpoof av tajpe av pooz neif baf.
         Bafhsaf, hpai Hkriv nif 1952 neif, Pgaz Katolihpo av Misanari Beihtaram av k’re t’hpaf hai maz taj le kauj Cauftaif le htavhkau t’paz av pooz le Pgazk’nyau Cgauz av kla neif dauv soo auf wai Pgazk’nyauz Cgauz av lix le “Lix Romei” cavhtauf le Hkriv nif 1954 neif lauz. Dauv Pgazk’nyau Cgauz le av kai pgaz Katolihpo t’hpaf neif av lix cauhsgi dau poo nya neif pgaz kwaiv wai le “Lix Romei” dauv pgaz poofniv razlauz auz le av tohkof k’tej t’blau neif hpai Hkriv nif 2002 neif lauz.
         Pgazk’nyau coojnax wai le Kauzlazwa k’hai hsge neij keiz avwaiseif av lix lauz. Kauzlazwa av lix maixhplef neif meij wai “Lix Romei” lauz. Dauv “Lix Romei” iz, pgaz soo auf wai s’kuz haufhkofhkle daubeif nya lauz. Bafqav dauv Pgazk’nyau av lix av geij neif, pgaz maz hta dauv pgaz civwai le: 
        - Lix htaulaf le pgaz kwauz lauz, Ywaz heif yuj T’lez, P’yauz. 
        - Lixmaixhplef t’meij taj iz, Lixmaix le hki neif of div.  
          Lixmaix iz t’baf hiv keiz, Hiv keiz le lix htoo lix cei.
        - P‘lix k’baf tuz of pgaz, Pgaz hsge baf meij Pujdei wa. 
        - Lix htoo lix cei lix Paj Ywaz, Lix lauzmaj hpla le Kauzlaz.  
          Lix Paj Ywaz lix htoo lix cei, Lix lauzmaj hpla le Pujdei. 
        - Mimauj hklef hav neij av dei, Mimauj qau hav neij av dei;  
          Mimauj  hklef hav hkef hai keiz, Mimauj qau hav qau hai keiz;  
          Hai keiz caux Htoo av lix cei, Hai keiz caux Ywaz av laij cei;  
          Pgaz t’s’kauz hpav t’sei, Pgaz hki s’kauz hpav t’sei ; 
          Pgaz hpav baf Ywaz av pujdei, Raz lauz lix cei kauj mux keiz.

(Taj leplez 2 : 59,Page 99-100)

< ก่อนหน้า