PGAZ K'NYAU AV TAJ OF MOO 2 พิมพ์ ส่งเมล

 Image“Pgaz K’NYau hpo k’baf aif kwi dauv soof mi sav mux le av taj kai Pgaz K’NYau neif lauz. Of s’nax kei le laif le lauf neif, t’maix hsgav le duv naif hpla sav le kai Pgaz K’NYau baf, t’maix hsgav le tai Pgaz K’NYau av kwauj baf, k’baf hpav Pgaz K’NYau av kwauj blei dauv k’baf kwaiv auz baf moox moox nauj nauj lauz.”

Lix taj geij Pgaz K’NYau kwauj t’poov hpo iz, kai k’dauv Pgaz K’NYau kauv gaz daiv av taj soof mi sav  mux t’miz, meij le av meij nauj tauj plaij hpo Pgaz K’NYau av taj kwaiv daf wai neif lauz. Kei kei nauj tauj plaij hpo seif t’hpaf iz soo auf taj hse k’tauj heif lauz av soof av sav le nauj hko dauv nauj sav le taj duv hplahtauf Pgaz K’NYau av taj hsomof, av taj of moo, av gix av geij dauv av luj av laj le av geiz av wa hkauhplo le lix maix hplef Pgaz K’NYau av kwauj neif lauz. Kei kei seif t’hpaf iz dolauz le meif dwiv hsaf hsiv kaingai t’bo le av maz cez laux sav dwaif k’pauz htauf taj aif taj kwi av meif oo le taj kai Pgaz K’NYau av gauj, dauv aif kwi le k’soo auf av Pgaz K’NYau av kwauj daf wai neif lauz. Aif dauv civ bluv civ hpgof baf keiz kei kei nauj tauj plaij hpo seif t’hpaf iz dof mav le av duv hplahtauf av taj soof doo sav doo le taj kai Pgaz K’NYau, dauv kai neij av goz mauf s’kauv nauj tauj plaij hpo Pgaz K’Nyau av taj do le av geiz neif lauz.             

Kauv muj hseif gauz ha iz hauf hkof hkle laiz dof htauf htau htauf wai yiz dof mav. Av hkai iz p’k’naj hoo baf t’lauj lauj le Cauf taif kauj k’auv htauf av sav dauv nux lauz soo Asean av taj hpauf laux cu av pooz, auv htauf av sav le k’maz lo seif nya dauv naj pej taj lauz hsau laux sav le taj of taj hsov, taj pe taj hsge, taj laiz taj keiz, taj gix taj geij dauv taj luj taj laj, div sauv k’maz cez laux sav s’kauv s’kauv neif lauz. Hauf hkof hkle av hkai iz auv htauf av sav laij laij htau htau le pgaz kauv gaz daiv av gauj. P’waidaf Pgaz K’NYau hpo k’baf auv htauf av sav laij laij htau htau ceij kauv. Av hkau p’nyau le p’wai daf Pgaz K’NYau hpo k’baf seif nya naj pej Pgaz K’NYau av luj av laj av taj geiz taj wa dauv av luj av pgeiz div av tuz lauz htauf bav. Tuz meij p’of dauv taj aif taj kwi, taj seif nya dauv taj naj pej Pgaz K’NYau av luj av laj av taj geiz taj wa dauv av luj av pgeiz t’blau neif, p’k’baf nauz lauz neij pgaz av gaz le Pgaz K’NYau av luj av laj av taj geiz taj wa dauv av luj av pgeiz iz ceij kauv lauz. T’blau qau iz neif, p’k’baf maz lo seif nya dauv tooj laux k’lux gaz av luj av laj av luj av pgeiz dauv av taj geiz taj wa soo auf le p’waidaf Pgaz K’NYau av taj of moo av pooz ceij kauv lauz. P’heif lauz dauv hiv neij taj le av kai bluv kai hpgof, taj iz div sauv p’k’of s’kauv le taj aif taj kwi, taj naj pej dauv taj tocez maz cez laux sav s’kauv s’kauv neif lauz.         

P’waidaf Pgaz K’NYau p’su t’maix hsgav le k’duv naif hplahtauf p’taj kai Pgaz K’NYau lauz tij lauz hsaiv baf t’geiz! “Pgaz K’NYau kwauj meij wai taj le av duv naif  hplahtauf taj kai Pgaz K’NYau lauz tij lauz hsaiv t’miz.” Mauz p’waidaf Pgaz K’NYau hpo seif t’hpaf k’soo auf cu k’waiz hkauf k’waiz av taj laiz dof htauf htau htauf t’miz laj laj, caiv hkof noox meij geiz, internet meij geiz, le av k’kai htauf taj bluv taj hpgof le taj maz dof htauf htau htauf Pgaz K’NYau av kwauj div av a k’tej, dauv raz lauz neij Pgaz K’NYau av hpo av liz div av s’kuz neif lauz.

Seif le av dof htauf htau htauf, yoox qauz av dei av laf yiz yiz htau htau, of gej hsov klez, of hsehtef loz, dauv of moo of gaiz sei neif, k’baf of dauv av gij le av caiz lauz av sav yaux. Hpai k’liz muj hai, taj maz e av sav, seif t’htoof neif, t’kaj lauz si nyau nyau baf. Pgaz K’NYau hpo div neif ceij kauv, p’k’baf hai maz cez laux sav, soof lauz taj aif taj kwi Pgaz K’NYau kwauj, soof lauz div av caiz lauz av gij yaux soo Pgaz K’NYau hpo t’gaz dauv t’gaz av sav kij pooz. Tuz s’nax kei p’of le laif le lauf, taj hse k’tauj hkailaif hkailauf, p’k’baf soo auf Pgaz K’NYau av kwauj t’lauj lauj, p’t’plai Pgaz K’NYau av kwauj lauz maj kwix le hauf hkof iz baf neif lauz.      

P’waidaf Pgaz K’NYau hpo kauv gaz daiv k’baf civ bluv civ hpgof keiz Paj dof Alfonso De Juan SJ. dof dof muj muj, meij le av wai av bluv av hpgof dauv av taj aif taj kwi of dauv dau puj waij Pgaz K’NYau a dof mav. Mauz K’caj Ywaz k’hkauv kwaj pehsge lauz baf Paj dof htaubo neif t’keij! 

Le av k’tej, Lix taj geij Pgaz K’NYau kwauj t’poov iz hai kaihtauf t’sei baf, mei civ nauj le t’neij baf pgaz seif t’hpaf iz av taj maz cez baf, le av waiseif maz cez dauv hsauf hswai dau puj waij Pgaz K’NYau av hki htaubo. P’aif dauv civ bluv civ hpgof baf keiz av waiseif dof mav lauz. Pgaz seif t’hpaf iz meij wai Paj dof Alfonso De Juan SJ., S’raf Hpilipoo, Paj dof Hsgeilaz, Paj dof Boolev, Paj dof Taj yax, S’raf Sif rif, Bro. Htinakau, s’raf muf Htasawan, dauv kauv gaz daiv le av hai qauz baf qav dauv lix t’poov iz neif lauz.    

Civ bluv baf keiz Lauj hkef sav maz dof htauf htau htauf taj of moo dauv taj of taj hsov Seiwi-au (JESS) dof mav le av tocez maz cez dauv hsauf hswai Pgaz K’NYau hpo av hki htaubo neif lauz.     

 “P’waidaf Pgaz K’NYau hpo k’baf maz cez laux sav iv hswai kwaj hswai dauv k’tauz keiz k’lux Pgaz K’NYau av hkli av saf le K’caj Ywaz hpgilauz pax wai daf le hauf hkof hkle iz geiz geiz k’tej. P’k’baf bluv sav heif lauz av taj aif taj kwi, maz k’hpau hauf hkof, loo neij Pgaz K’NYau av hkli av saf av hti div sauv av k’dof htauf hpla lauz tij lauz hsaiv, geiz geiz wa wa, div le k’lux gaz av hkli av saf ceij kauv neif lauz. Mauz P’waidaf Pgaz K’NYau hpo k’soof mi sav mux le Pgaz K’NYau av hkli av saf iz dof dof, meij le pgaz kauv k’lux le hauf hkof hkle iz meij wai K’caj Ywaz av keij av gauz hkailex, div sauv k’kai taj civ htauf p’trez K’caj Ywaz av miz dauv av laz k’pauz htaubo neif lauz.”         

Hsgilaz
IT
และ PR- JESS

ถัดไป >