Kauj cehpgof av taj baubaf raz lauz. พิมพ์ ส่งเมล

Taj of hpgof gax lauj gax klai

 Div le Kauj cehpgof Blauf dof pooz av taj p’nyof dauv av geij av kloz dauv av taj maz laux of av sauv, dauv div le taj soof tuz lauz sav tuz lauz le k’heif hti kauj t’beif laj laj av taj ef lauz aulauz s’kauv k’kaihtauf hpav htauf wai daf sei neif,

         Tai lauz hsoo lauz hsaiv le Pgaz muj bau htoodif hpo seif t’hpaf htaisauv tuz sauv wai div sauv dauv pgaz hauf hkof hpo kauv gaz daiv. T’blauqau iz ceij kauv, tooj laux auz le pgaz t’gaz dauv t’gaz neif lauz hsau laux av sav, dauv seif nya lauz sav le k’caj daf wai iz lauz hsau neij pgaz av gaz, av wai k’baf pgaz le av gaz yoov yauf pax kai auz ceij kauv lauz.

         

             Tai lauz hsoo lauz hsaiv k’dauv le pgaz kauv gaz daiv nauz lauz s’kauv neij av taj dof htauf htauhtauf dauv av taj htoov taj tauz, qux dauv luj laj le av kai wai pgaz hauf hkof hpo av taj hkof taj k’yaz neif lauz.

            Tai lauz hsoo lauz hsaiv soonya k’dauv le taj pe taj hsge av gij av geij dauv taj maz hkailex hkaihsei le av hsauf hswai pgaz dauhpu meij geiz, pgaz t’gaz geiz t’gaz geiz meij geiz av hki le k’pax sav htauneij pgaz av gaz le taj lauz hsau lauz caif baf qav dauv k’lux meij geiz, taj boof taj ba meij geiz, dauv luj laj meij geiz le k’hsauf be pgaz k’lux gaz neif, meij wai taj le av t’baf div le taj maz kwaj seif nya dauv htikauj taj maz laux av sauv baf, dauv taj iz krev le k’baf taj p’seif p’iv auz baf qav dauv taj geiz taj wa dauv taj t’tau t’loz baf le taj of taj hsov av pooz neif lauz.

Tai lauz hsoo lauz hsaiv dauv sauklaux hti le Pgaz muj bau htoodif av k’lux av taj soo-auf av taj hkwaiv taj yax daf wai t’miz laj laj neif, k’baf of pooz dauv taj taj kwaj hpuf kwaj hsiv, taj me neij hsoof, dauv taj trau neij hsoof le klai kauv bo daiv lauz.

           Baf yof sav uv le Pgaz muj bau htoodif av k’lux av gauj, meij le av waiseif baf tooj nav tooj hpgauf le taj civ coz tai coz le av t’tau t’loz baf le av haipej klai le taj htauf av hkof le kauj av gaz, taj nyav neij av hauf hkof lauj, doo s’wauz dauv taj kux htauf of htauf daf wai le av meij taj htoov taj tauz seif t’hpaf. Taj iz meij wai taj trauqax taj soo-auf k’caj daf wai av taj hkwaiv taj yax, lauz hsau daf taj taj hkwaiv taj yax le k’maz dof htauf htauhtauf le av loz laux sav dauv av waiseif av taj lof baf dauv taj le av aif dauv wai neif lauz.

         Tooj laux taj lof baf le av hklei s’div le taj yoov yauf pax kai dauv hsauf hswai Pgaz muj bau htoodif av taj hkwaiv taj yax le av of wai daf le av gax lauj gax klai daf av wai le taj pe taj hsge meij geiz, muj kloz waiz kloz meij geiz, taj of taj hsov dauv luj laj av hsoov av kloz meij geiz, taj gij taj geij le av baf qav dauv nauj sav dauv taj cooj taj nax meij geiz, av waiseif av taj civ coz tai coz dauv taj koof baf koof sei meij geiz, lauz hsau daf taj av waiseif av taj hkwaiv taj yax baf qav dauv hauf hkof lauj, doo s’wauz dauv taj kux htauf of htauf daf wai seif t’hpaf meij geiz neif lauz.

Tooj laux k’dauv le taj lof baf le av hklei s’div le taj yoov yauf pax kai dauv hsauf hswai Pgaz Muj bau htoodif av k’lux av taj hkwaiv taj yax neif, k’baf taj uf taj hkaf auz le hti kauj taj maz laux av pooz meij geiz, taj ef lauz aulauz av pooz meij geiz, dauv taj cav htauf koof htauf pax lauz s’kauv dauv p’dof le av kai bluv s’kauv t’miz laj laj meij geiz neif lauz.

Baf taj tooj laux le taj nauj kauj nauj siv av pooz le Pgaz Muj bau htoodif av k’lux neif, suv klaiz taj div sauv k’pej hsoof htauf av nauj k’caj daf wai av sav baf qav dauv taj pe taj hsge, muj kloz waiz kloz, taj of taj hsov dauv luj laj, div sauv k’laiz wai daf soo taj plai k’tauj kwix taj hsauf be dauv taj maz e maz nav le klai t’bo laj laj le av k’of htauf wai daf le taj lauj t’tauz geiz t’tauz geiz neif lauz.

Soof mi sav mi le taj le Pgaz Muj bau htoodif av k’lux hkauv kwaj pehsge taj geij taj kloz, mei t’meij baf taj maz t’miz laj laj le av laiz baf qav dauv av waiseif, div sauv dauv hauf hkof lauj, doo s’wauz dauv taj kux htauf of htauf daf wai seif t’hpaf, k’maz cez av waiseif duv of gej hsov klez dauv maz hsoof htauf av waiseif av geij av kloz dauv av luj av laj sei, dauv hsauf hswai ceij kauv taj maz dof htauf htauhtauf seif t’hpaf le av loz laux sav dauv av waiseif av taj hsemuj laj dauv taj lof baf sav lau neif lauz.

Tooj laux le taj yoov yauf pax kai Pgaz Muj bau htoodif av k’lux av taj koof baf koof sei, luj laj dauv gij geij neif, k’maz cez taj laiz dof htauf htauhtauf le av yux av klez of htauf dauv htaisauv tuz sauv wai daf, qux dauv taj raif taj klaiz baf qav dauv taj of wav triv qez le av kux htauf of htauf daf wai t’hpaf k’of wai daf le taj krev taj baf av hkof neif lauz.

Sauklaux hti tuz le taj lof baf plai k’tauj kwix taj soo-auf suv seif av cok’mauz le Pgaz Muj bau htoodif av k’lux av hauf hkof lauj dauv av doo s’wauz av pooz neif, meij wai klai le k’hsge pgaz soo taj dof htauf laij htauf le taj hkuf taj bav, muj kloz waiz kloz dauv taj reilaux mux laux sav le htikauj dauv pgaz hauf hkof hpo av bef cez neif lauz.

Sauklaux hti lauz hsau daf taj tuz le Pgaz Muj bau htoodif av doof hpo htehpo dauv av hif av qau av taj hkwaiv taj yax of le k’heif lauz hpo liz le taj luj auf luj au, taj sof keiz sau keiz, taj maz lo dauv taj of mux hsov pez. Taj seif t’hpaf iz loz laux sav dauv hposaf av taj hkwaiv taj yax hkailex hkaihsei neif lauz.

Kwaj hti hsomof le taj hkwaiv taj yax le av baf taj tooj laux auz le taj ef lauz aulauz s’kauv meij geiz, taj suv klaiz s’kauv meij geiz le av kai bluv div le av gaz seif t’hpaf le p’dof dauv Pgaz Muj bau htoodif av k’lux av bef cez neif, baf t’miz miz kai wai taj baf yof sav uv le kauj t’beif laj laj av bef cez, taj neij bluv neij hpgof, taj hiv moo hiv da dauv av myo av myax lauz hsau lauz caif daf av wai neif lauz.

Kwaj hti hsomof k’dauv t’blau le taj ef lauz aulauz s’kauv meij geiz, taj suv klaiz s’kauv le av kai bluv t’miz laj laj meij geiz, dauv taj reilaux mux laux le av baf qav dauv taj geij iz neif, kai wai taj hkof seif hpipgaj le av k’duv of htauf Pgaz Muj bau htoodif av k’lux dauv p’dof av taj reilaux mux laux le av boov boov tij tij neif lauz.

Tooj laux le Kauj cehpgof av taj maz laux, htikauj taj maz laux s’kauv le kauj t’beif dauv t’beif av bef cez baf qav dauv taj hkwaiv taj yax le muj kloz waiz kloz, taj of taj hsov dauv luj laj, dauv htikauj taj maz laux s’kauv le kauj t’beif dauv t’beif av bef cez baf qav dauv pgaz htihpo kauj hpo av taj hkwaiv taj yax, taj hkwaiv taj yax baf qav dauv hti geij kauj geij, qux dauv weij Wiana Taj baubaf raz lauz dauv av gij av geij le av neij baf taj tooj laux auz le kauv gaz daiv li neif, Pgaz Muj bau htoodif av k’lux seif t’hpaf av taj hkwaiv taj yax of le k’pax lauz av taj pax soof pax sav daf wai le av waiseif k’of dauv taj s’blei le k’suv klaiz baf qav dauv av nauj k’caj daf wai av taj pe taj hsge, dauv pax lauz av waiseif av taj maz dof htauf htauhtauf daf wai le muj kloz waiz kloz, taj of taj hsov dauv luj laj le taj s’blei av hkof neif lauz.

Seif nauf baf auz le le Taj Bau baf raz lauz iz av pooz, taj ef lauz aulauz le k’soo-auf auf s’me pgaz t’gaz geiz t’gaz geiz av taj hkwaiv taj yax le k’htuv htauf teij lauz daf wai nauj k’caj av taj of moo le av loz laux sav dauv htikauj taj maz laux s’kauv le kauj t’beif dauv t’beif av bef cez neif, t’of wai nau htif baf neif lauz.

Cooj nax le taj tooj laux Pgaz Muj bau htoodif av taj hkwaiv taj yax le Taj baubaf raz lauz iz av pooz neif, k’maz cez duv kaihtauf taj reilaux mux laux sav hpauf laux cu maz s’kauv taj le Pgaz Muj bau htoodif av k’lux dauv p’dof av bef cez, div le taj tau taj loz, taj pehti pekauj div le pgaz gauj muj baf sav, taj yoov yauf pax kai pgaz hauf hkof hpo av taj hkwaiv taj yax, taj t’kwaj hpuf kwaj hsiv taj baf, dauv taj cooj kaux nax pleiz laux sav av geij av kloz of wai av sauv neif lauz.

Hsauf hswai le p’dof baf looz paux hswai dauv maz taj t’miz laj laj le av kai taj blav qux baf qav dauv Pgaz Muj bau htoodif av k’lux le av k’lehtauf pgaiz htauf wai daf geiz geiz baf baf le hti kauj t’beif laj laj av cu k’waiz av hpaulax, lauz hsau daf taj taj geij le av baf qav dauv pgaz hauf hkof hpo av taj hkwaiv taj yax, hkauhplo le taj auf kauf auf cav laux sav dauv taj maz s’kauv taj dauv pgaz htihpo kauj hpo div le av waiseif lof baf sav lau wai av sauv neif lauz.

Sauklaux hti le Kauj cehpgof of dauv av moo av da le av lof dof le k’hsauf hswai dauv k’hu k’yax keiz Pgaz Muj bau htoodif av k’lux av taj hkwaiv taj yax le av caiboov laux sav t’boyoox qau neif lauz.

Cooj nax gej gej klez klez le Taj Baubaf Raz lauz iz k’kai hkauf hka soonyapaz le av lof dof le taj tooj laux av gauj, dauv le taj hsauf hswai taj k’hu k’yax keiz Pgaz Muj bau htoodif av k’lux av taj hkwaiv taj yax dauv av taj s’blei av gauj, qux dauv taj maz dof htauf htauhtauf Kauj cehpgof av taj hpiv taj maz t’miz laj laj le av baf qav dauv taj geij seif t’hpaf iz le :-

                Pgaz Muj bau htoodif hpo t’gaz dauv t’gaz av taj hkwaiv taj yax of waidaf le av pooz hplaiv dauv taj kwaj hpuf kwaj hsiv baf qav dauv pgaz hauf hkof hpo av taj hkwaiv taj yax kauv htif daiv div le hti kauj taj maz laux s’kauv le hti kauj t’beif dauv t’beif av bef cez of wai av sauv, dauv tooj laux le Pgaz Muj bau htoodif k’lux neif av taj hkwaiv taj yax s’kauv of wai daf le av meij wai taj lof dof le taj neij of moo of gaiz baf, taj of mux hsov pez, taj auf geiz auf wa, dauv taj maz dof htauf htauhtauf av gauj, div le av av waiseif kai ceij kauv pgaz hauf hkof hpo neif lauz.

                Pgaz Muj bau htoodif av k’lux av taj hoov htauf wav lauz neif, lauz hsau laux av sav le kauj t’beif dauv t’beif dauv taj lauj t’tauz dauv t’tauz. Lof baf le baf hsomof hti hsomof hsav baf qav dauv t’kauj dauv t’kauj av taj lof baf sav lau le av lauz hsau laux av sav, qux dauv av waiseif av taj civ coz tai coz dauv av luj av laj neif lauz.

                Kauj cehpgof av Taj Baubaf Raz lauz baf qav dauv Pgaz Muj bau htoodif av k’lux av taj hkwaiv taj yax iz, kai wai taj pax soof pax sav duv kaihtauf lof htauf taj baf hswai baf qav dauv taj tooj laux pax kai laux sav s’kauv s’kauv av nauf htof nauf dwav neif lauz.

 Taj ef lauz 1

§         Pgaz Muj bau htoodif av taj hkwaiv taj yax neif of wai daf le le pgaiz pgaiz div le pgaz hauf hkof hpo av taj hkwaiv taj yax of wai av sauv, dauv taj s’blei av hkauf htiv hkailex hkaihsei le taj hkwaiv taj yax s’kauv meij geiz, taj hkwaiv taj yax t’gaz av gauj meij geiz, div le av baf taj tooj laux auz le Kauj cehpgof av taj maz laux, taj baubaf raz lauz pgaz hauf hkof hpo taj hkwaiv taj yax, dauv hti kauj taj maz laux s’kauv pgaz hauf hkof hpo taj hkwaiv taj yax le kauj t’beif dauv t’beif av bef cez av pooz neif lauz.

 Taj ef lauz 2

§         Pgaz Muj bau htoodif av k’lux dauv Pgaz Muj bau htoodif hpo seif t’hpaf of wai daf dauv taj s’blei htaisauv tuz sauv dauv pgaz t’k’lux dauv t’k’lux dauv pgaz t’gaz dauv t’gaz, dauv av hkwaiv av yax of le k’soo-auf av taj hkwaiv taj yax daf wai le taj s’blei av hkof le av pooz hplaiv dauv taj kwaj hpuf  kwaj hsiv le klai kauv bo daiv, lauz hsau daf taj taj kai Pgaz Muj bau htoodif hpo le av waiseif haikux htauf neij wai meij geiz, av taj kai nauj k’caj daf wai meij geiz neif lauz.

 Taj ef lauz 3

§         Pgaz Muj bau htoodif av k’lux av taj hkwaiv taj yax of le k’tai lauz hsoo lauz hsaiv av taj sav baf aif dauv daf wai. Hkauhplo le taj hkwaiv taj yax iz av saf neif, av waiseif of wai dauv taj s’blei le k’htuv htauf teij lauz baf qav dauv av hti geij kauj geij daf wai dauv quhte taj maz dof htauhtauf av klai le muj kloz waiz kloz, taj of taj hsov dauv luj laj neif lauz.

 Taj ef lauz 4

§         Taj soo-auf taj hkwaiv taj yax le k’caj daf wai av taj htuv htauf teij lauz neif, meij wai taj soo-auf taj hkwaiv taj yax le taj pe taj hsge lauz nauj k’caj daf wai av sav baf qav dauv taj pehsge raif klaiz le k’caj av hif av qau dauv av hti lauj kauj pooz daf wai, qux dauv taj raif klaiz klof cei le av klai av kloz dauv av taj pau taj lau daf wai ceij kauv neif lauz.

 Taj ef lauz 5

§         Pgaz Muj bau htoodif av k’lux av taj hkwaiv taj yax of le k’hiv qax k’taix k’tauz, duv hsoof htauf dauv duv kaihtauf av waiseif av hti geij kauj geij le av lauz hsau caif daf wai, taj maz laux, muj kloz waij kloz, taj of taj hsov dauv luj laj. T’blauqau iz ceij kauv, av waiseif av taj hkwaiv taj yax of le k’maz s’kauv taj le le pgaiz pgaiz dauv p’dof hpai av waiseif aif dauv of moo of gaiz wai loz laux sav dauv p’dof av muj kloz waiz kloz, av hti geij kauj geij, av taj of taj hsov dauv av luj av laj av klai av kloz neif lauz. 

 Taj ef lauz 6

§         Pgaz Muj bau htoodif hpo kauv gaz daiv av taj hkwaiv taj yax of le k’neij baf taj kai pgaz hti hpo kauj hpo nauj nauj le kauj t’beif laj laj le av of wai le av pooz neif lauz.

 Taj ef lauz 7

1.       Pgaz Muj bau htoodif hpo t’gaz dauv t’gaz av taj hkwaiv taj yax of wai le le pgaiz pgaiz le av taj of moo av pooz, taj dof htauf htauhtauf le nauj hko dauv le nauj sav, t’gaz dauv t’gaz of dauv taj s’blei, taj gej taj klez dauv pooz hplaiv dauv taj baf yof baf bgau.

2.       Pgaz Muj bau htoodif av k’lux of dauv taj hkwaiv taj yax s’kauv le k’of moo of gaiz le taj s’blei, taj hkuf taj bav, taj gej taj klez dauv taj pooz hplaiv dauv taj baf yof baf bgau av pooz div sauv ceij kauv dauv pgaz t’k’lux dauv t’k’lux le av lauz hsau laux sav, dauv t’laiz nux soo klai le pgaz k’maz si lauz oov kwix auz dau k’lux nya meij geiz, k’maz hav gauz dauv maz hsoof maz hklei auz le klai t’bo geiz t’bo geiz meij geiz dauv caux hplauv kwix hposaf le av av k’lux daf wai soo pgaz k’lux av gaz le taj mehsoof mehklei av hkof meij geiz neif lauz.

 Taj ef lauz 8

1.       Pgaz Muj bau htoodif av k’lux meij geiz, Pgaz Muj bau htoodif hpo meij geiz av taj hkwaiv taj yax of le t’baf taj mehsoof maz lauz klauf lauz qaiv dauv maz lauz oov lauz hpei kwix av waiseif av nauj k’caj daf wai av luj av laj baf neif lauz.

2.       P’dof baf qu klai le av geiz div sauv k’trauhse dauv lauv neij keiz, div sauv dauv:

a)       Taj maz t’miz geiz t’miz geiz le av of dauv taj p’nyof meij geiz, le av duv kaihtauf taj maz hav gauz taj kai pgaz k’lux av taj lauz hsau caif meij geiz, luj laj le av of dauv av luj av pgeiz meij geiz, dauv taj kai pgaz k’lux av nauj k’caj daf wai meij geiz neif lauz.  

b)       Taj maz t’miz geiz t’miz geiz le av of dauv taj p’nyof meij geiz, le av duv kaihtauf taj looz neij nyav neij hauf hkof lauj, doo s’wauz, qez qauj dauv taj htoov taj tauz seif t’hpaf.

c)       Taj hau qeij hauhav kwix pgaz htihpo kauj hpo le av kai taj p’nyof meij geiz, le av duv kaihtauf taj mehsoof mehklei, taj maz hsiv lauz cgaz lauz av waiseif av taj hkwaiv taj yax t’miz laj laj meij geiz neif lauz.

d)       Taj me neij hsoof av waiseif lauz klauf meij geiz, lauz qaiv meij geiz dauv pgaz av gaz le klai t’bo geiz t’bo geiz.

e)       Taj htuv neij lwaineij pgaz soof pgaz sav le klai t’bo geiz t’bo geiz le av s’hkoohtauf neij taj kwaj hpuf kwaj hsiv pgaz k’lux dauv taj htauda pgaz hpiv pgaz nyaf le av lauz hsau seif t’hpaf.

 Taj ef lauz 9

§         Pgaz Muj bau htoodif av k’lux meij geiz, Pgaz Muj bau htoodif hpo meij geiz av taj hkwaiv taj yax of le k’kai pgaz t’gaz le Pgaz Muj bau htoodif av k’lux av hte pooz meij geiz, le kauj t’beif dauv t’beif av pooz meij geiz le av loz laux sav dauv av waiseif luj av laj dauv av gij av geij, dauv hti kauj t’beif dauv t’beif av luj av laj av gij av geij, dauv t’heif le av waiseif of dauv taj kwaj hpuf kwaj hsiv baf.

 Taj ef lauz 10

§         Pgaz Muj bau htoodif su t’baf taj mehsoof le hav htauf kwix le av hauf hkof lauj dauv av doo s’wauz pooz baf. T’hkluv le Pgaz Muj bau htoodif av k’lux meij geiz, Pgaz Muj bau htoodif hpo meij geiz k’ef lauz aulauz wai daf le taj baf soof baf sav dauv taj noopej naj pej av hkof div baf neif, taj hauqeij hauhav k’kaihtauf wai t’sei baf. Baf hsaf mei of dauv taj lauz hsoo lauz hsaiv le taj htohtauf keiz taj hav gauz av luj av pgeiz le av tau av loz blau neif, krev le auv ho pax klai t’bo bo le av waiseif k’keiz of hkof hki keiz k’dauv le av doo s’wauz pooz daf wai sei neif lauz.

 Taj ef lauz 11

1.       Pgaz Muj bau htoodif av taj hkwaiv taj yax of le k’maz moohtauf keiz av waiseif av luj av laj, qux ceij kauv dauv taj hkwaiv taj yax le k’k’hu k’yax keiz, k’tauz keiz dauv maz dof htauf htauhtauf av waiseif av luj av laj lauj liz lehki leplez, av luj av laj av hkai iz dauv av luj av laj soonyapaz, div sauv dauv taj lauj liz hpauf qaf, taj lauj taj klai lehki leplez, taj hsaiv taj laz, taj gij taj geij, caiv hpau k’haf, taj sei taj baf baf qav dauv taj lox kwai, luj hpo hta hpo, taj k’toz do le htif sei hpauf sei seif t’hpaf.

2.       P’dof baf qu klai le av geiz k’tej le taj htohtauf keiz taj av gauj, hkauhplo le taj soo-auf cu k’waiz le av soof htauf saf htauf dauv kaibluv kaihpgof dof k’tej, qux dauv taj maz geiz maz baf keiz auz div av lauj av klai meij geiz, maz dof htauf htauhtauf taj hpauf laux cu hpauf laux hkauf dauv Pgaz Muj bau htoodif av k’lux meij geiz, le av k’baf tooj laux pgaz luj pgaz laj, taj koof baf koof sei, taj boof taj ba, nauj sav le av baf taj maz hav gauz dauv baf taj hiv neij auz t’hkluv le av of dauv taj neij baf taj geij taj kloz, taj hsomof hti hsomof hsav le taj s’blei av hkof div baf, dauv le taj tai lauz hsoo lauz hsaiv meij geiz, taj mehsoof mehklei dauv maz hav gauz av luj av laj, av gij av geij dauv av s’noohtoocav meij geiz neif lauz.       

 Taj ef lauz 12

1.       Pgaz Muj bau htoodif av k’lux of dauv av taj hkwaiv taj yax le maz dauv maz hplahtauf av taj maz dof htauf htauhtauf, k’taix k’tauz dauv k’hu k’yax keiz waiseif av taj cooj taj nax, taj boof taj ba dauv taj gij taj geij. Taj hkwaiv taj yax of le k’k’hu k’yax dauv of dauv klai kloz le k’laiz nux tuz qauz soo nauj k’caj daf wai av taj boof taj ba dauv av luj av laj av taj lauj. Taj hkwaiv taj yax of le k’soo-auf dauv pehsgekeiz taj gij taj geij av duf av htoo, dauv taj hkwaiv taj yax of le k’hsgekeiz pgaz nywaij pgaz nywa soo av hti lauj kauj pooz neif lauz.

2.       P’dof baf qu klai le nux lauz tuz dauv mei t’meij baf taj hsgekeiz taj gij taj geij av duf av htoo le av taj peqax av pooz daf wai hkauhplo le klai le av soof htauf saf htauf dauv kaibluv kaihpgof a k’tej le av tau tav loz dauv hpla hpla, dauv k’baf maz s’kauv wai dauv Pgaz Muj bau htoodif av k’lux le av baf qav dauv taj geij iz lauz.

 Taj ef lauz 13

1.       Pgaz Muj bau htoodif av k’lux av taj hkwaiv taj yax of le k’maz moohtauf keiz, soo-auf, maz dof htauf htauhtauf dauv heif yuj heif sa keiz av waiseif av taj civ coz tai coz, kwauj, gij geij, taj koof baf koof sei, taj kwaiv lix kwaiv laij, taj htuv htauf maz htauf lix oh laij oh, taj yuj neij keiz dauv k’tauz neij keiz hif av miz lauj liz, taj lauj av miz lauj liz dauv pgaz k’nyau av miz lauj liz soo hpo coz liz coz neif lauz.

2.       P’dof baf soo-auf klai le av geiz div sauv k’mi soof mi sav le taj hkwaiv taj yax iz k’neij baf taj k’hu k’yax, dauv k’mi soof mi sav le av waiseif k’naj pej dauv k’baf taj naj pej auz le hti geij kauj geij av hsoov, hti kauj taj maz laux kauv srau av hsoov, dauv taj suv klaiz le av lof dof seif t’hpaf av hsoov, hkauhplo le taj taiklau neij av waiseif av kwauj, mei t’meij baf klai le av krev av baf le av gaz neif lauz.

 Taj ef lauz 14

1.       Pgaz Muj bau htoodif av taj hkwaiv taj yax of le k’k’re k’rohtauf dauv peqax daf wai av waiseif av taj sof lo maz lo av hsoov av teiz dauv av luj av laj le av of pax hsaulauz av sav daf wai lenya li li le av nauj k’caj av kwauj daf wai, div le av loz laux sav dauv av waiseif av luj av laj le av baf qav dauv taj sof lo maz lo neif lauz.

2.       Pgaz t’gaz laj laj le av kai Pgaz Muj bau htoodif hpo, lauz hsau daf taj hposaf seif t’hpaf neif, av taj hkwaiv taj yax of le k’neij baf p’dof av taj maz lo kauv tauz daiv dauv kauv miz kauv myo le av of pooz dauv taj kwaj hpuf kwaj hsiv av waiseif neif lauz.

3.       P’dof baf hpauf laux cu dauv Pgaz Muj bau htoodif le maz htauf klai le av geiz le Pgaz Muj bau htoodif hpo av gauj, lauz hsau daf taj hposaf seif t’hpaf, dauv mei sei neif kwav klej tij qux dauv pgaz le av of le hif hkle ceij kauv, div sauv k’heif le av waiseif t’hpaf k’nux tuz qauz soo taj maz lo div av nauj k’caj av luj av laj dauv av kwauj daf wai av sauv neif lauz.

Taj ef lauz 15

1.       Pgaz Muj bau htoodif av taj hkwaiv taj yax of le av waiseif daf wai av laz k’pauz, av luj av laj, a gij a geij, av taj civ coz tai coz dauv av taj muj laj kwaj co le av of wai daf a a gauj gauj, le k’baf hkav t’plauz hplahtauf wai daf le klai le av krev av baf le taj maz lo dauv taj geij taj kloz le av duv hplahtauf le pgaz gauj muj av kla neif lauz.

2.       P’dof krev le baf of dauv klai le av soof htauf saf htauf dauv kaibluv kaihpgof a k’tej le taj kauf kav civ qaiz dauv hpauf laux cu dauv Pgaz Muj bau Htoodif av k’lux div sauv k’trauhse taj naj pej kwaj k’maf, maz lauz maj kwix taj kwaj hpuf kwaj hsiv, dauv s’hkoohtauf neij taj kauz soof kauz sav, taj naj pej laux sav dauv taj reilaux mux laux sav le Pgaz Muj bau htoodif dauv pgaz k’lux av gaz av bef cez av hki neif lauz.

Taj ef lauz 16

1.       Pgaz Muj bau htoodif av k’lux av taj hkwaiv taj yax of le k’re k’rohtauf keiz av taj p’re p’cej le av nauj k’caj av kwauj daf wai, dauv av taj hkwaiv taj yax of le k’neij baf taj p’re p’cej t’miz laj laj le av t’meij av waiseif av taj baf le av of pooz dauv taj kwaj hpuf kwaj hsiv neif lauz.

2.       P’dof krev le qu klai le av geiz k’tej le k’uf k’hkaf wai daf le p’dof av taj p’re p’cej neif pla hplahtauf luj laj a miz a myo le av meij av baf div le taj nauj kauj nauj siv av sauv. P’dof baf of pooz dauv taj naj pej kwaj k’maf le k’uf k’hkaf neij taj duv hplahtauf t’miz laj laj le taj s’blei av hkof le le pgaiz pgaiz, dauv krev le s’hkoohtauf neij pgaz hif hpo qauhpo av taj p’re p’cej av hki le taj duv hplahtauf Pgaz Muj bau htoodif av k’lux av luj av laj le av of wai daf a a gauj gauj neif lauz.

 Taj ef lauz 17

1.       Pgaz le av kai Pgaz Muj bau htoodif hpo dauv pgaz le av kai Pgaz Muj bau htoodif av k’lux neif, av taj hkwaiv taj yax of le le pgaiz pgaiz le av baf taj kwaiv lauz pax p’nauf auz le Taj tooj nga taj maz laux le kauj pooz meij geiz dauv le taj maz laux s’kauv le hti kauj t’beif dauv t’beif av bef cez av pooz meij geiz neif lauz.

2.       P’dof baf auf kauf auf cav dauv hpauf laux cu hpauf laux hkauf dauv Pgaz Muj bau htoodif av k’lux qeineij klaihtof klaidwav le av lauz hsau caif daf wai le k’k’hu k’yax keiz Pgaz Muj bau htoodif av hpodi hposaf le av baf taj hsauf biv kav be le muj hsoov waiz hsoov dauv taj maz t’miz geiz t’miz geiz le av lauz baf yof, mei t’meij baf maz tix tax p’dei hposaf av taj maz lo maz do, mei t’meij baf maz baf htiv baf do hposaf av taj of hsoof of hklei meij geiz, nauj hko, nauj sav, soof sav dauv taj meij taj baf meij geiz, mei t’meij baf av waiseif av taj dof htauf htauhtauf le taj of taj hsov av pooz av gauj meij geiz. Baf hsomof lauz hsau caif neij le av waiseif le taj kai pgaz gij hsiv ba caj av gauj dauv pax dof pax muj av waiseif av taj maz lo maz do div sauv k’maz hsoof maz hklei htauf av wai seif neif lauz

3.       Pgaz Muj bau htoodif av k’lux neif, av taj hkwaiv taj yax of le t’lauz baf le taj kwaj hpuf kwaj hsiv t’miz laj laj le av wai seif av taj tooj boov tooj nga sav dauv av cuboov hkauf lai baf.

 Taj ef lauz 18

§         Pgaz Muj bau htoodif av k’lux av taj hkwaiv taj yax of le baf hpgaiv hpav auf nauz dauv tai lauz hsoo lauz hsaiv taj geij t’miz geiz t’miz geiz le av k’laiz baf do baf htiv av waiseif av taj hkwaiv taj yax, hkauhplo le av waiseif av hkef sav le av quhte neij wai le av loz laux sav dauv av waiseif av taj suv taj klaiz av geij av hsoov, tuz daf laix k’hiv klez hpauf klez dauv k’maz dof htauf htauhtauf keiz av waiseif av taj tai lauz hsoov lauz hsaiv av klaikloz le av maz teij wai lenya ruj ruj li neif lauz.

 Taj ef lauz 19

§         P’dof baf auf kauf auf cav dauv hpauf laux cu hpauf laux hkauf dauv Pgaz Muj bau htoodif av k’lux le taj mux soof mux sav av hkof hkauhplo le av waiseif av hkef sav le av hai hkauhplo le av geij av kloz daf wai, div sauv k’neij baf taj geij taj kloz dauv of dauv taj tai lauz hsoo lauz hsaiv s’kauv hso le taj s’blei av hkof tuz av wiz laux cez, t’hkluv le k’tooj laux dauv maz paux hswai auz div le hti kauj taj maz laux av klai av kloz of wai av sauv meij geiz, dauv div le taj raif taj klaiz le baf t’baf k’maz do baf htiv baf av waiseif meij geiz neif lauz.

 Taj ef lauz 20

1.       Pgaz Muj bau htoodif av k’lux av taj hkwaiv taj yax of le k’hiv klez hpauf klez dauv maz dof htauf htauhtauf av waiseif av taj pe taj hsge, muj kloz waiz kloz dauv taj of taj hsov av geij av kloz daf wai, div sauv av waiseif av taj htauv lauz nauj k’caj av sav daf wai dauv taj maz dof htauf htauhtauf k’of gej hsov klez, dauv suv laij htauf htauhtauf taj hkwaiv taj yax iz soo taj maz paux hswai nauj k’caj av gij av geij daf wai dauv taj le av gaz le av waiseif av muj kloz waiz kloz le taj s’blei av hkof neif lauz.

2.       Pgaz Muj bau htoodif av k’lux le av baf taj nyav neij hsoof av taj of moo av klai av kloz le taj htauv lauz nauj k’caj av sav dauv av taj maz dof htauf htauhtauf daf wai neif, av taj hkwaiv taj yax of le k’baf taj htohtauf keiz av taj hav gauz av pgeiz le av tau av loz dauv av krev av baf neif lauz.

 Taj ef lauz 21

1.       Pgaz Muj bau htoodif av k’lux av taj hkwaiv taj yax of le k’baf of pooz hplaiv dauv taj baf taj kwaj hpuf kwaj hsiv le av k’duv geiz htauf keiz av waiseif av muj kloz waiz kloz dauv av taj of taj hsov, qux dauv taj seif t’hpaf iz baf t’miz miz, meij wai taj maz lo maz do av hsoov av kloz, taj tooj nga, muj kloz waiz kloz av taj saif lo saif do, lauj of lauj hsov, hif qau av taj k’hsgai k’hsgau, pgaz taj of hsoof of hklei, dauv taj of taj hsov av taj gej taj klez le av pooz hplaiv dauv taj baf yof baf bgau neif lauz.

2.       P’dof baf of dauv klai htof klai dwav le av geiz dauv av soof htauf sav htauf, dauv mei htif le av krev av baf neif, krev le of dauv klaihtof klaidwav lauz hsau caif le k’laiz tuz soo taj maz dof htauf htauhtauf av waiseif av muj kloz waiz kloz dauv taj of taj hsov le av laiz wai daf t’p’yax qau, lauz hsau daf taj krev le baf kwaj hti hsomof neij Pgaz Muj bau htoodif av pgaz soof kei sav pgaj, paux muf, nauj tauj plaij, hposaf dauv pgaz le av t’le t’pgaiz baf (pgaz hav gauz) av taj hkwaiv taj yax dauv av taj lof baf sav lau lauz hsau caif daf wai neif lauz.

Taj ef lauz 22

1.       Taj hiv neij Taj Baubaf Raz lauz iz dauv laiz soo-auf auz, Pgaz Muj bau htoodif av pgaz soof kei sav pgaj, paux muf, muf k’nauz paux saf hkwa, hpodi hposaf dauv pgaz le av t’le t’pgaiz baf av taj hkwaiv taj yax dauv av taj lof baf sav lau neif, krev le baf taj kwaj hti hsomof auz lauz hsau caif daf wai neif lauz.

2.       P’dof baf soo-auf klaihtof klai dwav s’kauv dauv Pgaz Muj bau htoodif av k’lux div sauv k’uf k’hkaf le Pgaz Muj bau htoodif av pgaz paux muf dauv hposaf seif t’hpaf neif, k’neij baf taj k’hu k’yax le le pgaiz pgaiz dauv uf hkaf le k’htauda taj taj maz hsoof maz hklei dauv taj kwaj hpuf kwaj hsiv av waiseif le klai kauv bo daiv neif lauz.

 Taj ef lauz 23

§         Pgaz Muj bau htoodif av k’lux av taj hkwaiv taj yax of le k’tai lauz hsoo lauz hsaiv dauv suv klaiz taj soo-auf av waiseif av taj hkwaiv taj yax le k’maz dof htauf htauhtauf taj cauz laiz dauv quhte taj lof dof lof hsiv dauv soo-auf av waiseif av taj hkwaiv taj yax av klaikloz le k’maz dof htauf htauhtauf av waiseif av nauj k’caj daf wai. Lauz hsau daf taj Pgaz Muj bau htoodif av k’lux av taj hkwaiv taj yax of le k’nux qauz suv klaiz s’kauv taj dauv pgaz gaz div sauv k’maz dof htauf htauhtauf dauv tai lauz hsoo lauz hsaiv baf qav dauv taj of hsoof of hklei, lauj of lauj hsov, dauv taj maz dof htauf htauhtauf le muj kloz waiz kloz dauv taj of taj hsov le av k’baf htiv baf do av waiseif, dauv suv klaiz taj seif t’hpaf iz hkauhplo le av waiseif av geij av kloz le av maz teij wai lenya ruj ruj li t’sei hpai av sei neif lauz.

 Taj ef lauz 24

1.       Pgaz Muj bau htoodif av k’lux taj hkwaiv taj yax of le soo-auf daf wai av k’sif k’paj div av gij av geij daf wai av sauv, dauv hiv klez hpauf klez keiz av waiseif av taj hpiv taj maz le av baf qav dauv taj of hsoof of hklei av geij av kloz. Qux dauv taj k’taix k’tauz keiz av waiseif av k’sif k’paj le av haipej le seif tij waf bo, taj hpoqaj dauv hauf lax htoov tauz seif t’hpaf. Pgaz t’gaz laj laj le av kai Pgaz Muj bau htoodif hpo neif, av taj hkwaiv taj yax of le k’nux tuz qauz soo taj of taj hsov dauv taj of hsoof of hklei av taj kwaj hswai maz cez av klai av kloz kauv miz daiv le av of pooz hplaiv dauv taj kwaj hpuf kwaj hsiv neif lauz.

2.       Pgaz Muj bau htoodif hpo t’gaz laj laj neif, av taj hkwaiv taj yax of wai htaisauv tuz sauv le k’neij baf taj kwaj hswai maz cez baf qav qux dauv taj dauv neij baf taj baf soof baf sav le nauj hko dauv nauj sav av taj of hsoof of hklei le av geiz k’tej. P’dof baf hpiv baf maz taj div sauv Pgaz Muj bau htoodif hpo k’neij baf taj hkwaiv taj yax le av le av pgaiz le av p’tauj htauhtauf kweij kweij neif lauz.

 Taj ef lauz 25

§         Pgaz Muj bau htoodif k’lux av taj hkwaiv taj yax of le k’hiv klez hpauf klez keiz dauv maz hsoof maz klez htauf keiz av waiseif av taj reilaux sav dauv taj hti taj tau le av of lauz hsaucaif daf wai dauv av nauj k’caj daf wai av gij av geij meij geiz, mei t’meij baf neif, neij pehsge baf keiz dauv soo-auf keiz av waiseif av hauf hkof lauj, doo s’wauz, hti no, pauf laif niz dauv taj le av of htauf kux htauf daf wai av gux av gaz, div sauv pgaz lehki t’coz k’pej qax klez keiz av waiseif av taj hiv moo hiv da le taj soof of sav of av hkof neif lauz.

Taj ef lauz 26

1.       Pgaz Muj bau htoodif av k’lux av taj hkwaiv taj yax of le av hauf hkof lauj, doo s’wauz dauv taj le av of htauf kux htauf daf wai seif t’hpaf le av waiseif kai av k’caj div le av luj av laj daf wai av sauv meij geiz, peneij hsgeneij neij wai meij geiz, mei t’meij baf soo-auf baf wai meij geiz dauv neij baf wai meij geiz neif lauz.

2.       Pgaz Muj bau htoodif av k’lux av taj hkwaiv taj yax of le av kai hauf hkof lauj, doo s’wauz dauv taj le av of htauf kux htauf daf wai seif t’hpaf av k’caj div le av luj av laj daf wai av sauv, soo-auf wai, maz dof htauf htauhtauf wai dauv peqax neij wai meij geiz, taj maz auf av klai av kloz div luj laj le av gaz of wai av sauv meij geiz, mei t’meij baf div sauv dauv pgaz av gaz av klai le av neij baf taj seif t’hpaf neif meij geiz neif lauz.

3.       P’dof baf tooj laux dauv k’hu k’yax hauf hkof lauj, doo s’wauz dauv taj le av of htauf kux htauf daf wai seif t’hpaf iz div le hti kauj taj maz laux av sauv. Taj tooj laux iz k’baf taj duv kaihtauf auz haipej le taj yoov yauf pax kai Pgaz Muj bau htoodif av gij av geij le av baf qav dauv taj pe neij hauf hkof lauj seif t’hpaf neif lauz.

 Taj ef lauz 27

§         P’dof baf hpauf laux cu dauv Pgaz Muj bau htoodif le taj k’re k’rohtauf le av htaisauv tuz sauv av klai av kloz, taj s’blei, taj tau taj loz, taj auv ho klai le av laij av htau dauv hpla hpla le av taj hpiv taj maz av pooz. Baf tooj laux Pgaz Muj bau htoodif av k’lux av taj maz laux, av gij av geij, av s’noohtoocav dauv av taj peneij hsgeneij hauf hkof lauj av geij av kloz, div sauv k’tooj laux dauv k’tai lauz hsoo lauz hsaiv neij Pgaz Muj bau htoodif av k’lux av taj hkwaiv taj yax le hauf hkof lauj, doo s’wauz dauv taj le av of htauf kux htauf daf wai, qux dauv taj le av waiseif kai neij wai av k’caj div le av gij av geij daf wai av sauv meij geiz, peneij wai meij geiz, soo-auf baf wai meij geiz le Pgaz Muj bau htoodif av k’lux baf of dauv av hkwaiv av yax le laiz nux hpauf laux cu maz s’kauv taj le taj maz seif t’hpaf iz kauv p’tauj daiv neif lauz.

 Taj ef lauz 28

1.       Pgaz Muj bau htoodif av k’lux av taj hkwaiv taj yax of le k’neij baf keiz taj htohtauf keiz av pgeiz le klai t’bo laj laj, qux dauv taj neij baf hkof hki keiz meij geiz, mei t’meij baf mei of htauf meij htauf t’sei lez baf neif, krev le neij baf keiz taj htohtauf keiz le av tax baf krev baf laux keiz av sav dauv taj htaisauv tuz sauv av hkof meij geiz. Meij wai taj htohtauf dauv heif lauz hkof hki keiz av waiseif av hauf hkof lauj, doo s’wauz dauv taj le av of htauf kux htauf daf wai seif t’hpaf le av waiseif peneij wai div le av luj av laj av sauv meij geiz, neij pebaf wai meij geiz, neij baf wai meij geiz, mei t’meij baf baf taj nyav neij, baf taj hiv neij, baf taj peneij, baf taj soo-auf dauv neij baf taj maz hav gauz kwix auz le t’neij baf taj geij taj kloz dauv t’of dauv taj tai lauz hsoo lauz hsaiv s’kauv hso le taj s’blei av hkof tuz av wiz laux cez div baf meij geiz neif lauz.

2.       Mei tai nauj le pgaz le av baf qav dauv taj geij iz t’neij tai lauz hsoo lauz hsaiv laux sav div baf neif, k’baf htohtauf keiz le hauf hkof lauj, doo s’wauz dauv taj le av of htauf kux htauf daf wai le av krev baf dauv htaisauv tuz sauv laux sav le taj hsomof tij bav qav hauf hkof lauj av taj so geiz cau baf, av taj if taj laij, taj hpuf taj htau div hti kauj taj maz laux of wai av sauv, mei t’meij baf htohtauf keiz le cei meij geiz, taj av gux av gaz le av krev baf dauv htaisauv tuz sauv laux sav meij geiz neif lauz.

 Taj ef lauz 29

1.       Pgaz Muj bau htoodif av k’lux av taj hkwaiv taj yax of le k’k’taix k’tauz dauv k’k’hu k’yax keiz taj of wav triv qez dauv k’soof auf hplav auf taj dauv maz geiz htauf wahtauf keiz av hauf hkof lauj daf wai, doo s’wauz dauv taj le av kux htauf of htauf daf wai seif t’hpaf. P’dof baf maz cez Pgaz Muj bau htoodif av k’lux le k’taix k’tauz dauv taj k’hu k’yax keiz taj seif t’hpaf iz le taj t’kwaj hpuf kwaj hsiv av hkof baf neif lauz.

2.       P’dof baf of dauv klai le av soof htauf saf htauf le av geiz k’tej le k’uf k’hkaf wai le t’of dauv taj pax tauj meij geiz, taj nyokwix taj le av of dauv av cuf e plaj sau le Pgaz Muj bau htoodif av k’lux av hauf hkof lauj av pooz meij geiz, doo s’wauz av pooz meij geiz le t’neij baf taj geij taj kloz dauv t’of dauv taj tai lauz hsoo lauz hsaiv s’kauv hso le taj s’blei av hkof tuz av wiz laux cez div baf meij geiz neif lauz.

3.       P’dof baf of dauv klaihtof klaidwav le av geiz k’tej le k’uf k’hkaf wai le taj maz le av lof dof le av k’baf of dauv taj taj maz hsomof pax klai kloz le av kai taj lof baf le baf looz hswai paux hswai, hiv klez hpauf klez dauv maz moohtauf keiz Pgaz Muj bau htoodif av k’lux av taj of hsoof of hklei neif, k’baf taj hpiv auz maz auz le pgaz le av neij baf taj baf htiv baf do dauv taj cuf e plaj sau seif t’hpaf le av krev av baf div av waiseif av taj lof baf sav lau av sauv neif lauz.   

 Taj ef lauz 30

1.       Suv seif av taj hpiv taj maz t’miz geiz t’miz geiz neif, t’baf laiz maz le Pgaz muj bau htoodif av k’lux av hauf hkof lauj meij geiz, av doo s’wauz pooz meij geiz baf, baf hsaf mei haihtauf le av baf qav dauv pgaz daugauj av taj kai bluv kai hpgof s’kauv av gauj meij geiz, mei t’meij baf kai taj ef lauz au-lauz s’kauv le taj s’blei av hkof meij geiz, kai taj geij le Pgaz Muj bau htoodif qei wai daf div av taj sav of av sauv meij geiz neif lauz.

2.       Taj cauz laiz taj lof dof lof hsiv le taj soo-auf hauf hkof lauj meij geiz, doo s’wauz meij geiz le suv seif av taj hpiv taj maz av gauj neif, p’dof baf auf kauf auf cav s’kauv taj dauv Pgaz Muj bau htoodif av k’lux le av baf hswai baf qav seif t’hpaf hkauhplo le av klai av kloz lauz hsau caif daf wai le av krev av baf hkauhplo le av waiseif av av geij av kloz le av maz teij wai lenya ruj ruj li neif lauz.

 Taj ef lauz 31

1.       Pgaz Muj bau htoodif av taj hkwaiv taj yax of le k’hiv klez hpauf klez, trauqax, k’hu k’yax dauv maz dof htauf htauf keiz av waiseif av luj av laj, taj koof baf koof sei dauv taj duv hplahtauf av waiseif av luj av laj dauv av s’noohtoocav. Qux ceij kauv dauv taj duv hplahtauf Pgaz Muj bau htoodif av caiv hpau k’haf daf wai, qux dauv av waiseif av taj kai pgaz hauf hkof hpo dauv av cez av swaif av tooj av taiz, taj hkof taj bo av hkli av saf, t’sif seif tij waf bo, taj seif nya naj pej baf qav dauv hsaf hpo kauj hpo dauv taj hkof taj bo, kwauj, taj htuv htauf maz htauf lix oh laij oh, taj hsomof teihtauf taj kif taj weiz, taj lox hkof lox kwai dauv taj gaiz k’lif paj k’weiz div le Pgaz muj bauhtoodif av luj av laj dauv av s’noohtoocav daf wai av sauv. Av waiseif av taj hkwaiv taj yax of div k’dauv le k’hiv klez hpauf klez, trauqax, k’hu k’yax dauv maz dof htauf htauhtauf keiz av taj hkof taj k’yaz baf qav dauv taj koof baf koof sei div luj laj le moj paj hpi hpu heif yuj heif sa av waiseif dauv pax hplahtauf waisei ceij kauv neif lauz.

2.       P’dof baf hpauf laux cu dauv Pgaz Muj bau htoodif av k’lux soo-auf klaihtof klaidwav le av geiz dauv le av soof htauf saf htauf, div sauv k’neij baf taj tooj laux dauv k’k’hu k’yax taj soo-auf taj hkwaiv taj yax t’miz iz neif lauz.

Taj ef lauz 32

1.       Pgaz Muj bau htoodif av k’lux av taj hkwaiv taj yax of le k’tai lauz hsoo lauz hsaiv dauv suv klaiz taj soo-auf av waiseif av taj hkwaiv taj yax le k’cauz laiz dauv quhte taj lof dof lof hsiv maz dof htauf htauhtauf, mei t’meij baf k’soo-auf hauf hkof lauj, doo s’wauz dauv taj kux htauf of htauf av gux av gaz seif t’hpaf.

2.       P’dof baf suv klaiz s’kauv dauv hpauf laux cu dauv Pgaz Muj bau htoodif av k’lux le taj soof tau sav loz av hkof hkauhplo le av waiseif av k’re hkef sav klaikloz le av maz teij wai lenya ruj ruj li, div sauv k’neij baf taj duf lauz qoo hsauf lauz pgoz le taj baf soof baf sav dauv taj naj pej t’hkluv tai lauz hsoo lauz hsaiv taj t’miz geiz t’miz geiz le av k’laiz baf htiv baf do av waiseif av hauf hkof lauj, doo s’wauz dauv taj kux htauf of htauf seif t’hpaf div baf, lauz hsau daf taj taj maz le av kai taj maz dof htauf htauhtauf dauv soo-auf av waiseif av luj av laj, hti no, hauf lax htoov tauz, mei t’meij baf taj kux htauf of htauf le av gaz seif t’hpaf.

3.       P’dof baf qu klai le av geiz dauv le av soof htauf saf htauf le taj htohtauf keiz lauv htauf keiz taj maz le tai pooz kwix seif t’hpaf le av tau av loz dauv av krev av baf, dauv soo-auf klaihtof klaidwav le av krev av baf le k’maz hsiv lauz cgaz lauz kwix taj hav gauz baf qav dauv taj of wav triv qez, muj kloz waiz kloz, taj of taj hsov, luj laj dauv taj cooj taj nax neif lauz.

 Taj ef lauz 33

1.       Pgaz Muj bau htoodif av k’lux av taj hkwaiv taj yax of le k’tai lauz hsoo lauz hsaiv le av taj pax lauz av taj kai nauj k’caj daf wai le av loz laux sav dauv av waiseif av luj av laj dauv av gij av geij. Le taj iz neif, av waiseif av taj hkwaiv taj yax le k’kai neij kauj t’kauj qau le av of wai hsov wai le av pooz av pgaz hti hpo kauj hpo t’lauz boo lauz cgaz kwix wai nau t’caiv baf lauz.

2.       Pgaz Muj bau htoodif av taj hkwaiv taj yax of le k’tai lauz hsoo lauz hsaiv baf qav dauv av nauj k’caj daf wai le av loz laux sav dauv av taj pe taj hsge dauv taj raif taj klaiz av hsoov av kloz div av waiseif av klai av kloz daf wai av sauv.

   Taj ef lauz 34

§         Pgaz Muj bau htoodif av k’lux av taj hkwaiv taj yax of le k’hsauf hswai, maz dof htauf htauhtauf dauv hiv klez hpauf klez keiz av waiseif av klaikloz le maz teij lenya ruj ruj li seif t’hpaf av hsoov av kloz, luj laj, gij geij, taj cooj taj nax, s’noohtoocav, klaiz kloz, taj hpiv taj maz dauv taj tau taj loz av hsoov av teiz, mei t’meij baf gij geij le av loz laux sav dauv pgaz hauf hkof hpo taj hkwaiv taj yax av nauf htof nauf dwav le kauj t’beif dauv t’beif av bef cez neif lauz.

 Taj ef lauz 35

§         Pgaz Muj bau htoodif av k’lux av taj hkwaiv taj yax of le k’tai lauz hsoo lauz hsaiv baf qav dauv av waiseif t’gaz dauv t’gaz av taj hiv moo hiv da le av of le av waiseif av taj of taj hsov dauv av hif av qau daf wai av gauj neif lauz.

 Taj ef lauz 36

1.       Pgaz Muj bau htoodif hpo, lauz hsau daf taj pgaz le av baf taj nauz hpav auz le hti hse kauj hse seif t’hpaf, av waiseif le av of le kauj hki hkau yaj paz lex neif, av taj hkwaiv taj yax of le k’hiv klez hpauf klez keiz dauv maz dof htauf htauhtauf taj poz rei hpgisauv, taj laiz of keiz of laux sav dauv tai s’kij s’kauv taj, qux dauv taj maz t’miz geiz t’miz geiz le taj p’nyof of wai le taj cooj taj nax, luj laj, gij geij, taj pe taj hsge, muj kloz waiz kloz dauv taj of taj hsov neif lauz.

2.       P’dof, hkauhplo le taj suv klaiz s’kauv dauv hpauf laux cu dauv Pgaz Muj bau htoodif av k’lux k’baf soo-auf klaihtof klaidwav le av geiz dauv le av soof htauf saf htauf, div sauv k’maz cez taj soo-auf taj hkwaiv taj yax iz dauv k’uf k’hkaf taj hiv neij taj hkwaiv taj yax iz laiz soo taj k’soo-auf auz neif lauz.

 Taj ef lauz 37

1.       Pgaz Muj bau htoodif av k’lux av taj hkwaiv taj yax of le k’neij baf taj tooj laux, taj kwaj p’lauj p’dau, dauv taj me pgaz soo-auf taj ef lauz aulauz s’kauv le kauj hki beif av bef cez, taj duf lauz qoo hsauf lauz pgoz dauv taj raif taj klaiz le av geiz le av gux av gaz seif t’hpaf le tai lauz hsoo lauz hsaiv dauv p’dof meij geiz, pgaz le av hpauf htauf keiz p’dof av k’tauj lauj le taj pe taj hsge av hsoov meij geiz k’baf yoov yauf pax kai dauv maz paux hswai taj ef lauz aulauz, taj duf lauz qoo hsauf lauz pgoz dauv taj raif taj klaiz le av geiz av baf seif t’hpaf av hki neif lauz.

2.       Taj Baubaf Raz lauz t’beif nya iz, taj le av k’htuv hpuf lauz cgaz lauz, mei t’meij baf k’htoosi dauv maz lauz maj kwix Pgaz Muj bau htoodif av taj hkwaiv taj yax le av of le taj ef lauz aulauz, taj duf lauz qoo hsauf lauz pgoz dauv taj raif taj klaiz klaiz av gaz le av kai bluv kaihpgof seif t’hpaf av pooz neif, t’of wai nau t’miz baf lauz.

 Taj ef lauz 38

§         P’dof, hkauhplo le taj taj auf kauf auf cav laux sav s’kauv dauv hpauf laux cu dauv Pgaz Muj bau htoodif av k’lux baf soo-auf klaihtof klaidwav le av krev av baf, qux dauv hti kauj taj maz laux av klaihtof klaidwav, div sauv k’laiz tuz htauf soo Taj Baubaf Raz lauz iz av taj p’nyof kwaj co av tux neif lauz.

 Taj ef lauz 39

§         Pgaz Muj bau htoodif av k’lux av taj hkwaiv taj yax of le k’tuz qauz of p’dof av taj tocez maz cez baf qav dauv klof cei dauv taj sei taj so av hsoov av teiz dauv hkauhplo le hti kauj seif t’hpaf av taj hpauf laux cu maz cez laux sav, div sauv k’soo-auf taj hkwaiv taj yax le av baf taj kwaiv lauz pax auz le Taj Baubaf Raz lauz iz av pooz le taj soof mi sav mux av hkof neif lauz.

 Taj ef lauz 40

§         Pgaz Muj bau htoodif av taj hkwaiv taj yax of le k’tuz qauz of, mei t’meij baf neij baf klaikloz le av tau av loz le taj suv klaiz keiz taj k’maix hsaiv kaiv le av of dauv p’dof dauv pgaz av gaz, qux ceij kauv dauv taj suv klaiz keiz taj hsauf biv kav be av waiseif av taj hkwaiv taj yax le pgaz t’gaz av gauj meij geiz, pgaz daugauj av gauj meij geiz. Taj suv klaiz dauv taj tai lauz hsoo lauz hsaiv seif t’hpaf iz, baf kwaj hti hsofmof qux dauv Pgaz Muj bau htoodif av luj av laj, av gij av geij, av taj sof taj sau dauv av taj maz laux av hsoov av teiz, dauv pgaz hauf hkof hpo av taj hkwaiv taj yax le kauj t’beif dauv t’beif av bef cez neif lauz.

taj ef lauz 41

§         Kauj cehpgof av taj suv klaiz k’re dauv taj maz k’re dauv hti kauj t’beif dauv t’beif av taj suv klaiz k’re neif, k’baf nux lauz baf hswai baf qav div sauv k’heif le Taj Baubaf Raz lauz iz av taj maz laux seif t’hpaf k’lof htauf kaihtauf wai daf, hkauhplo le taj maz cez laux sav le klof le cei dauv taj sei taj so dauv taj koof taj hsav av gux av gaz. Lof baf le k’baf duv kaihtauf klai kloz le k’uf k’hkaf neij Pgaz Muj bau htoodif av k’lux av taj suv taj klaiz s’kauv taj geij t’miz laj laj le av k’laiz baf htiv baf do av waiseif neif lauz.

 Taj ef lauz 42

§         Kauv cehpgof qux dauv taj suv klaiz k’re le av of le Kauj cehpgof av pooz seif t’hpaf, qux dauv Taj of hpgof htaubo baf qav dauv Pgaz Muj bau htoodif av k’lux av geij, Kauj cehpgof av taj suv klaiz k’re lauz hsau caif, hti kauj p’tauj dauv p’dof k’baf hsauf hswai taj yoov yauf pax kai dauv taj hiv neij Taj Baubaf Raz lauz iz av taj pax soof pax sav soo-auf auz, qux dauv looz paux kwaj hswai dauv kwaj k’da keiz Taj Baubaf Raz lauz iz av soof av saf le av kaihtauf pax htauf seif t’hpaf neif lauz.

 Taj ef lauz 43

§         Taj hkwaiv taj yax le av baf taj tooj laux auz hpai iz neif, duv kaihtauf lof htauf Pgaz Muj bau htoodif le hauf hkof hkle iz av taj neij of moo of gaiz av geij hkauf htiv, av laz k’pauz dauv av taj of mux of hkuf neif lauz.

 Taj ef lauz 44

§         Taj hkwaiv taj yax dauv taj s’blei hkailex hkaihsei le av baf taj tooj laux auz hpai iz neif, neij baf wai taj uf taj hkaf le Pgaz Muj bau htoodif hpo t’gaz geiz t’gaz geiz, av muf meij geiz av hkwa meij geiz av gauj neif, of wai dauv taj htaisauv tuz sauv neif lauz.

 Taj ef lauz 45

§         Taj Baubaf Raz lauz t’beif nya iz neif, taj t’of wai nau t’miz baf le av k’htuv hpuf lauz cgaz lauz meij geiz, maz hav gauz kwix Pgaz muj bau htoodif av k’lux av taj hkwaiv taj yax le av coz hkai iz meij geiz, dauv av coz soonya paz meij geiz neif lauz.

 Taj ef lauz 46

1.       Taj t’of wai nau t’miz baf le Taj Baubaf Raz lauz iz av pooz le av kai taj heif lauz p’dof meij geiz, hti kauj t’beif geiz t’beif geiz meij geiz, pgaz t’hpu geiz t’hpu geiz meij geiz, pgaz t’gaz geiz t’gaz geiz meij geiz av taj co k’mauz le k’maz taj hpiv taj maz t’miz geiz t’miz geiz le av laiz hpeif ke laux sav dauv Kauj cehpgof av taj maz laux, mei t’meij baf k’pax lauz av sav le of dauv taj co k’mauz le heif taj hsauf hswai meij geiz, maz taj t’miz geiz t’miz geiz meij geiz le duv of htauf taj taij muj lauz hpav meij geiz, kaihtauf taj kau taj hkai taj t’rau t’pa hkailex meij geiz, t’nauz meij geiz le taj maz geiz maz wa htauf keiz doo s’wauz av gauj meij geiz, hti geij kauj geij taj t’miz qau le taj co k’mauz s’blei le hti kauj t’beif geiz t’beif geiz meij geiz neif lauz.

2.       Taj soo-auf taj hkwaiv taj yax le Taj baubaf raz lauz iz av pooz neif, baf yoov yauf pax kai pgaz hauf hkof hpo kauv gaz daiv av taj hkwaiv taj yax dauv av taj s’blei hkauf htiv. Taj soo-auf taj hkwaiv taj yax hkailex le av baf taj baubaf raz lauz auz le Taj Baubaf Raz lauz iz av pooz neif, k’baf kwaj htai le hti kauj taj maz laux s’kauv av taj of pax av sav le t’lepgaiz div baf dauv taj ef lauz aulauz baf qav dauv pgaz hauf hkof hpo av taj hkwaiv taj yax le kauj t’beif dauv t’beif av bef cez. Taj of pax av sav le t’lepgaiz div baf t’miz geiz t’miz geiz k’baf of pooz wai dauv taj kwaj hpuf kwaj hsiv, dauv kai taj of pax av sav le t’lepgaiz div baf le av lof baf lauz hsau caif div sauv k’neij baf taj tooj laux dauv taj yoov yauf pax kai pgaz gaz av taj hkwaiv taj yax dauv av taj s’blei le av lof dof div sauv k’laiz tuz soo hti kauj le av pehsge taj le pgaz a gaz taj baf sav av geij hkof seif le av meij wai taj le av lof dof k’tej neif lauz.

3.       Taj geij taj kloz hkailex le Taj baubaf raz lauz iz av pooz neif, k’baf taj htuv htauf keiz auz soo pgaz kwauj t’kwauj laj laj le av loz laux sav dauv taj cif nyauf kwauj av geij hkof seif, taj pehsge le pgaz a gaz taj baf sav, taj yoov yauf pax kai pgaz hauf hkof hpo taj hkwaiv taj yax, taj htaisauv tuz sauv, taj t’kwaj hpuf kwaj hsiv taj baf, taj pe taj hsge le av geiz dauv taj soof tau sav loz neif lauz.

 

**************************************************

< ก่อนหน้า   ถัดไป >